Azərbaycanın yeddi ayda ən çox məhsul aldığı İƏT-ə üzv ölkələrin adları açıqlanıb
Azərbaycanın yanvar-iyul aylarında ən çox məhsul idxal etdiyi İslam Əməkdaşlıq Təşkilatına (İƏT) üzv ölkələr sırasında ilk üçlükdə Türkiyə, İran və Türkmənistan qərarlaşıb.
Dövlət Gömrük Komitəsindən NUHÇIXAN İnformasiya Agentliyinə bildirilib ki, Türkiyədən idxalın dəyəri 868 milyon 441 min ABŞ dolları, İrandan 158 milyon 488 min, Türkmənistandan isə 49 milyon 696 min dollar təşkil edib.
Azərbaycan keçən ilin müvafiq dövrünə nisbətən Türkiyədən idxalı artırıb, İran və Türkmənistandan isə azaldıb.