Türk Hava Yolları Azərbaycana həyata keçirilən uçuşların təxirə salınması ilə bağlı yayılan məlumatları təkzib edib

Türk Hava Yolları (THY) şirkəti bəzi sosial media hesablarında Azərbaycana həyata keçirilən planlı uçuşların təxirə salınması ilə bağlı yayılan informasiyanı təkzib edib.

NUHÇIXAN İnformasiya Agentliyi xəbər verir ki, bu barədə THY-nin media müşaviri Yahya Üstün şəxsi “Twitter” hesabında bildirib.

Məlumatda qeyd edilir ki, dost və qardaş ölkə, can Azərbaycana olan uçuşlarımız planlı şəkildə həyata keçirilir. Bəzi sosial media kanallarında uçuşlarımızın təxirə salınması ilə bağlı paylaşılan məlumatlar həqiqətə uyğun deyil.