61 yaşlı naxçıvanlı maşinist Bakıya gedəcəyi günü gözləyir - VİDEO

Qarabağ artıq Azərbaycanındır. Azərbaycan ordusunun qazandığı qələbədən sonra bütün diqqət yenidən Azərbaycan-Naxçıvan arasında dəmiryol xəttinin nə zaman fəaliyyətə başlayacağındadır.

Bunu hər kəsdən çox gözləyən isə 42 ilə yaxındır Culfa Lokomotiv deposunda çalışan 61 yaşlı naxçıvanlı maşinist Abuzər Tahir Rızaoğludur.

42 ildir həyatını işinə həsr edən Abuzər bəy deyir ki, bu qatarla o, ömrünün ən gözəl illərini yola salıb. Culfa Lokomotiv deposundan stansiyaya çıxan Abuzər bəyin sözlərinə görə, illərdir bir tərəfində kəndlər, bir tərəfində Araz çayının mənzərəsi insanı valeh edir:

“Gecəmiz-gündüzümüz olmur. Gecə saat 02:00-da da işə çağırsalar, gəlirdik”.

O deyir ki, 1991-ci ildə ermənilərin yolu bağlaması onlar üçün çox çətinlik yaradıb.

Onun sözlərinə görə, Azərbaycan-Naxçıvan arasında dəmiryol açılsa, ilk olaraq özü gedəcək.

NUHÇIXAN İnformasiya Agentliyi "TRT HABER"in mövzu ilə bağlı hazırladığı videomaterialı təqdim edir: