Havanın kəskin dəyişməsi aviareyslərin yerinə yetirilməsinə təsir etməyib
“Bakıdakı qarlı hava şəraitində Heydər Əliyev Beynəlxalq Aeroportu adi qaydada işləyir”.
NUHÇIXAN İnformasiya Agentliyi xəbər verir ki, bunu jurnalistlərə açıqlamasında “Azərbaycan Hava Yolları" QSC-nin (AZAL) Mətbuat katibi Paşa Kəsəmənski bildirib.
“Bugünkü aviareyslərlə bağlı heç bir dəyişiklik yoxdur. Bakıdan Naxçıvana saat 8:00-da, Türkiyənin İstanbul şəhərinə isə saat 8:30-da uçuş yerinə yetirilib. Bu gün, həmçinin Türkiyənin Antalya şəhərinə və Rusiyanın paytaxtı Moskvaya aviareyslər olacaq”, - o deyib.