İspandilli mətbuat Füzuli Hava Limanına həyata keçirilən ilk reysdən yazır

İspaniyanın EFE xəbər agentliyinin saytında və Latın Amerikasının “Diariolibre” onlayn nəşrində müharibədən sonra Azərbaycan aviaşirkəti tərəfindən Qarabağa həyata keçirilən ilk sınaq reysi barədə yazılar dərc olunub.

NUHÇIXAN İnformasiya Agentliyi xəbər verir ki, materiallarda Füzuli Beynəlxalq Hava Limanının istismara verilməsindən əvvəl Bakıdan sınaq reysi həyata keçirən “Azərbaycan Hava Yolları”na (AZAL) məxsus “Airbus A340-500” tipli ən iri sərnişin təyyarəsinin Qarabağa eniş etdiyi diqqətə çatdırılır.

Bildirilir ki, Azərbaycan ötən ilin payızında işğaldan azad edilmiş Laçın və Zəngilan rayonlarında da beynəlxalq aeroportlar tikir.