Davos İqtisadi Forumu “Omicron”a görə təxirə salınıb

Gələn il keçirilməsi planlaşdırılan Davos İqtisadi Forumu təxirə salınıb

NUHÇIXAN İnformasiya Agentliyinin Davos Forumunun rəsmi saytına istinadən verdiyi xəbərə görə, tədbir Omicron ştamına görə təxirə salınıb.

İllik Toplantı 17-21 yanvar 2022-ci il tarixində İsveçrənin Davos-Klosters şəhərində keçirilməli idi.

Lakin Forumun keçirilməsi yayın əvvəllərinə qədər təxirə salınıb.

Məlumatda qeyd olunub ki, iştirakçılar planetin ən aktual problemlərinin həlli yollarını müzakirə etmək üçün qlobal liderləri onlayn bir araya gətirən “Dünyanın durumu” sessiyalarına qoşulacaqlar.