Muxtar respublikada bu il sahibkarlığın inkişafı istiqamətində 151 layihənin maliyyələşdirilməsinə 7 milyon manatdan artıq vəsait yönəldilib

Muxtar respublikada sahibkarlığın, xüsusilə kiçik və orta sahibkarlığın inkişafına köməklik etmək, onlara maliyyə dəstəyi göstərmək məqsədilə Sahibkarlığın İnkişafı Fondu tərəfindən kreditləşmə əsasən dövlət proqramları ilə müəyyən edilmiş prioritet istiqamətlər üzrə aparılıb və cari il ərzində 151 layihənin maliyyələşdirilməsinə 7 milyon 744 min 378 manat vəsait yönəldilib.

NUHÇIXAN İnformasiya Agentliyi xəbər verir ki, bu faktlar altıncı çağırış Naxçıvan Muxtar Respublikası Ali Məclisinin altıncı sessiyasında iqtisadiyyat naziri Tapdıq Əliyevin çıxışında yer alıb.

Nazir vurğulayıb ki, bu kreditlərin 191 min 500 manatı sənayenin, 3 milyon 325 min 878 manatı kənd təsərrüfatının inkişafına, 4 milyon  227 min manatı isə xidmət sahələrinin yaradılmasına yönəldilib.

Həmçinin Sahibkarlığın İnkişafı Fondu tərəfindən cari ildə 76 ailə təsərrüfatına dövlət maliyyə dəstəyi göstərildiyini bildirən nazir qeyd edib ki, ailə təsərrüfatları 5000 ədəd 27 çeşiddə tara ilə təmin olunub.