AZAL-ın Bakı-İstanbul üzrə təxirə salınan reyslərinin sərnişinləri yola salınıb
Bakı-İstanbul marşrutu üzrə təxirə salınan hər üç reysin sərnişinləri təyinat hava limanına AZAL-ın ən böyük geniş füzelyajlı təyyarəsi olan "Airbus A340" ilə yola düşüblər.
Bu barədə NUHÇIXAN İnformasiya Agentliyinə "Azərbaycan Hava Yolları"-nın (AZAL) Mətbuat Xidmətindən bildirilib.
Qeyd edilib ki, AZAL-ın İstanbul-Bakı marşrutu üzrə ləğv edilmiş reyslərinin sərnişinləri eyni təyyarə ilə Bakıya qayıdacaqlar.
Xatırladaq ki, güclü qar yağması səbəbindən İstanbul hava limanı fəaliyyətini dayandırmış, AZAL-ın bir neçə reysi gecikmiş və təxirə salınmışdı.