“Buta Airways” fevralın 28-də Bakıdan Kiyevə olan aviareysini ləğv edib
“Buta Airways” aviaşirkətinin fevralın 28-də Bakıdan Kiyevə həyata keçirilməli olan uçuşu ləğv olunub.
Aviaşirkətdən NUHÇIXAN İnformasiya Agentliyinə bildirilib ki, “Buta Airways” Ukrayna hava məkanının bağlanması ilə əlaqədar fevralın 28-nə planlaşdırılan Bakı-Kiyev reysini ləğv edib.
Mövcud vəziyyətlə əlaqədar olaraq, ləğv edilmiş reyslərin sərnişinləri uçuş tarixini dəyişə və ya cərimə tətbiq edilmədən aviabiletləri geri qaytara bilərlər.