Azərbaycan neftinin qiyməti bir gündə 10 dollara yaxın bahalaşaraq 112 dollara çatır

NUHÇIXAN İnformasiya Agentliyinin məlumatına görə, CIF bazisi üzrə İtaliyanın Auqusta limanı şərtləri ilə Azərbaycanın yüngül neftinin qiyməti fevralın 28-də 111,9 dollar/barel təşkil edib ki, bu da əvvəlki göstəricidən 9,6 dollar/barel çoxdur.

FOB bazisi üzrə Türkiyənin Ceyhan limanında Azərbaycanın yüngül neftinin qiyməti 109,76 dollar/barel təşkil edib ki, bu da əvvəlki göstəricidən 9,37 dollar/barel çoxdur.

Novorossiysk limanından yüklənən URALS neftinin qiyməti isə 87,18 dollar/barel təşkil edib ki, bu da əvvəlki göstəricidən 3,05 dollar/barel çoxdur.

Şimal dənizindən hasil edilən "Brent Dated" etalon növlü neftin qiyməti 112,92 dollar/barel olub ki, bu da əvvəlki göstəricidən 9,72 dollar/barel çoxdur.