AZAL İstanbul və Dubay istiqamətləri üzrə reyslərə genişgövdəli hava gəmiləri ayırır

“Azərbaycan Hava Yolları” (AZAL) aviaşirkəti Bakı şəhərindən tələbatın daha çox olduğu istiqamətlər üzrə - Dubay və İstanbul şəhərlərinə yerinə yetirdiyi reyslərə böyük tutumlu genişgövdəli hava gəmiləri ayırır.

AZAL-ın mətbuat xidmətindən NUHÇIXAN İnformasiya Agentliyinə bildirilib ki, Bakı-Dubay-Bakı və Bakı-İstanbul-Bakı marşrutları üzrə həyata keçirilən reyslərə tələbatın artması ilə əlaqədar, aviaşirkət iyunun 15-dən sentyabrın 15-dək böyük tutumlu hava gəmilərindən istifadə edəcək.

İyunun 15-dən etibarən aviaşirkət Heydər Əliyev Beynəlxalq Aeroportundan Dubay şəhərinə “Boeing 767”, İstanbul şəhərinə isə “Boeing 787” (Dreamliner) tipli genişgövdəli hava gəmiləri ilə uçuşlar yerinə yetirməyə başlayacaq.