Azərbaycan Avropa İttifaqı ölkələrindən ən çox İtaliyaya məhsul göndərib
Yanvar-iyul aylarında Azərbaycan Avropa İttifaqı (Aİ) ölkələri arasında ən çox İtaliyaya məhsul ixrac edib.
Dövlət Gömrük Komitəsindən NUHÇIXAN İnformasiya Agentliyinə bildirilib ki, Azərbaycanın yeddi ayda ən çox məhsul ixrac etdiyi Aİ-yə üzv ölkələr İtaliya, Yunanıstan və Xorvatiya olub. İtaliyaya ixrac olunan məhsulların dəyəri 10 milyard 901,4 milyon ABŞ dolları, Yunanıstana 659,7 milyon dollar, Xorvatiyaya isə 490,7 milyon dollar təşkil edib.