İstanbul-Bakı reysini yerinə yetirən təyyarə texniki səbəbdən hava limanına geri qayıdıb
“Azərbaycan Hava Yolları” (AZAL) aviaşirkətinin “J2-076” nömrəli İstanbul-Bakı reysini yerinə yetirən hava gəmisinin kapitanı texniki səbəbdən (ön şüşənin çatlaması) hava limanına geri qayıtmaq qərarına gəlib.
AZAL-dan NUHÇIXAN İnformasiya Agentliyinə bildirilib ki, təyyarə yerli vaxtı ilə saat 14:50-də İstanbul hava limanına uğurla eniş edib.
Sərnişinlərin daşınması üçün Bakıdan digər təyyarə yola düşəcək.