OPEC 2023-cü il üçün gündəlik qlobal neft tələbatı üzrə proqnozunu yüksəldib
Neft İxrac Edən Ölkələr Təşkilatı (OPEC) cari il üçün gündəlik qlobal neft tələbatı ilə bağlı proqnozunu yüksəldib.
NUHÇIXAN İnformasiya Agentliyi xəbər verir ki, bu barədə OPEC-in aylıq hesabatında deyilir.
Hesabata görə, 2023-cü il qlobal gündəlik neft tələbatının 101,87 milyon barel səviyyəsində olacağı gözlənilir. Neft tələbatının artım tempi isə 2,32 milyon barel olacaq.
2022-ci ilin proqnozunda qlobal gündəlik neft tələbatı 99,55 milyon barel təşkil edib. Belə ki, ötən il neft tələbatının artım tempi 2,54 milyon barel səviyyəsində olub.