Naxçıvanda yeni iş yerləri yaradılır - VİDEO

Muxtar respublikada əlverişli biznes mühitinin yaradılması, investisiya qoyuluşları prosesinin şəffaflaşdırılması sahibkarların Naxçıvana marağını artırıb.

NUHÇIXAN İnformasiya Agentliyi xəbər verir ki, son aylarda Naxçıvanda özəl sektorda yüzlərlə yeni iş yerləri açılıb.

Bakıda fəaliyyət göstərən *8777 “Xan” taksi xidməti artıq bu günlərdə Naxçıvan şəhərində də öz ofisini açıb. Ən ucuz taksi xidməti kimi rəğbət qazanan şirkətin rəhbəri bildirib ki, daha 200 yerlik iş yerinin açılması planlaşdırılır.

Naxçıvanda yeni iş yerlərinin açılmasına töhfə verən özəl müəssisələrdən biri də ölkənin ən məşhur supermarket şəbəkələrindən biri olan “Bolmart”dır. Bu günlərdə Naxçıvanda daha bir filialının açılışını edən yeni supermarket şəbəkəsi daxili bazarda bu sahədə rəqabəti daha artırıb.

Şəffaflıq ölkəmizin digər bölgələrindən olan sahibkarların da diyarımıza marağını artırıb. “Kiçik addımlar” özəl uşaq bağçasının layihə rəhbəri Salatın Babayeva da onlardan biridir. Quba şəhərindən gələn mütəxəssis əvvəllər Naxçıvanda bu sektora investisiya yatırmaq istəsə də, süni maneələr ona bu imkanı verməyib.

Sərbəst və şəffaf biznes mühiti Naxçıvana daha çox investorun gəlməsinə, nəticə etibarilə isə muxtar respublikanın sosial-iqtisadi inkişafına, eləcə də əhalinin məşğulluq imkanlarının daha da genişləndirilməsinə mühüm töhfə verir.