“Apple”ın bazar qiyməti 3 trilyon dolları keçib
“Apple” şirkətinin kapitallaşması tarixdə ikinci dəfə 3 trilyon ABŞ dollarını ötüb.
NUHÇIXAN xəbər verir ki, bu barədə ABŞ-ın "Nasdaq" birjasının məlumatında deyilir.
Hərracda yerli vaxtla saat 09:42-dən sonra səhmlərin dəyəri təxminən 1,38% artaraq 192,21 dollardan yuxarı olub, nəticədə şirkətin kapitallaşması 3 trilyon dolları ötüb.
Qeyd edək ki, bu artım ilk dəfə 2022-ci ilin yanvarında qeydə alınıb.