Naxçıvanda vergi ödəyicilərinə göstərilən xidmətlərin həcmi 2 dəfə artıb
Bu ilin yanvar-oktyabr aylarında Naxçıvan Muxtar Respublikası Dövlət Vergi Xidmətinin strukturları tərəfindən vergi qanunvericiliyi və inzibatçılığı ilə əlaqədar sualların cavablandırılması, vergi uçotu, qeydiyyat, bəyannamələr, cari vergi ödəmələri və s. məsələlərlə bağlı 43 452 sayda xidmət göstərilib ki, bu da ötən ilin eyni dövrü ilə müqayisədə 1,9 dəfə çoxdur.
Bu barədə NUHÇIXAN-a Naxçıvan Muxtar Respublikası Dövlət Vergi Xidmətindən məlumat verilib.
Məlumata görə, 10 ayda vergi ödəyicilərinə xidmət strukturlarında ümumilikdə 31 552 şəxs qəbul edilib.
Yanvar-oktyabr aylarında vergi ödəyicilərinə 112 915 məlumatlandırma xarakterli müxtəlif növ bildiriş (məktub) göndərilib. Dövr ərzində vergi ödəyiciləri ilə 45 görüş keçirilib, 267 sayda ünvanlı xidmət göstərilib. İlin əvvəlindən 6 273 müraciət üzrə 11 237 "Asan İmza" sertifikatı verilib.
Bu ilin may ayında istifadəyə verilmiş Naxçıvan Şəhər Vergilər İdarəsinin Vergi ödəyicilərinə xidmət mərkəzi tərəfindən noyabrın 1-dək ümumilikdə 10 499 şəxs qəbul edilib və onlara 15 465 sayda xidmət göstərilib ki, bu da ötən ilin eyni dövrü ilə müqayisədə göstərilən xidmətlərin sayından 3,1 dəfə çoxdur.