Naxçıvanda faqot ifaçısı Ümüd Musayevin solo konserti keçiriləcək
NUHÇIXAN xəbər verir ki, Naxçıvan Muxtar Respublikasının Mədəniyyət Nazirliyinin təşkilatçılığı ilə martın 5-də Cəlil Məmmədquluzadə adına Naxçıvan Dövlət Milli Dram Teatrında faqot ifaçısı Ümüd Musayevin solo konserti keçiriləcək. Konsert Naxçıvan Muxtar Respublikasının yaradılmasının 100 illiyinə həsr olunub.Naxçıvan Dövlət Filarmoniyasının Kamera Orkestrinin müşayiət etdiyi musiqili gecədə Azərbaycan, Rus və Avropa bəstəkarlarının əsərləri təqdim olunacaq. Orkestrin bədii rəhbəri və dirijoru Prezident mükafatçısı Cahangir Qurbanovdur. Ümüd Musayevi fortepianoda Beynəlxalq müsabiqələr laureatı Aynur Abdullayeva və Respublika müsabiqələr laureatı Nilufər Əliyeva müşayiət edəcək. Konsertə giriş sərbəstdir.