Avropanın turizm saytında Naxçıvanla bağlı məlumat verilib - FOTOLAR

NUHÇIXAN xəbər verir ki, Avropa ölkələri üçün nəzərdə tutulan onlayn turizm portalı olan  itinari.com saytında Naxçıvan haqqında  məlumat yerləşdirilib. Nilufər Məhəmməd Cəmil adlı istifadəçi muxtar respublikanın gəzməli və görməli yerlərinin fotolarını və video görüntülərini izləyicilərə təqdim edir. İki hissədən ibarət məqalədə əvvəlcə Əshabi-Kəhf ziyarətgahi, burada yaradılan rahat infrastruktur və insanların bu müqəddəs məkana olan marağı qeyd edilir.   Müəllif yazısının ikinci hissəsində vurğulayır  ki, Əshabi-Kəhf ziyarətgahından sonra Naxçıvanın ən çox diqqət çəkən yerlərindən biri  Batabatdır. O, burdakı  üzən ada, dağlar, yaşıllıqların, çiçəklərin yaratdığı əsrarəngiz gözəllik, təmiz hava, dumduru bulaqlar, ümumiyyətlə nadir təbiət incisinin  coğrafiyası  haqqında  məlumat verir və turistləri bu yeri səyahətə dəvət edir. Nülufər Məhəmməd Cəmilin fikrincə Naxçıvana gələn hər bir turist və səyahətçi mütləq  Möminə xatın türbəsini görməlidir. Çünki 12-ci əsrin yadigarı olan bu abidə Orta əsrlər memarlığı və sənətkarlığı haqqında aydın təsəvvür yaradır. Hündürlüyü 25 metrdən artıq olan bu sənət əsəri qadın şərəfinə ucaldılan ilk abidədir.