Anadilli şeirimizin ustadı Nəsimi-650
NUHÇIXAN xəbər verir ki, Naxçıvan Muxtar Respublika Ədəbiyyat Muzeyində böyük Azərbaycan şairi İmadəddin Nəsiminin 650 illik yubileyi ilə əlaqədar tədbir olub.
Tədbirdə Naxçıvan Muxtar Respublikasının Mədəniyyət naziri Natəvan Qədimova Azərbaycan şairi və mütəfəkkiri İmadəddin Nəsimi haqqında geniş məlumat verib.
Nazir qeyd edib ki, muxtar respublikada da böyük şairin 650 illik yubileyi ilə bağlı müxtəlif tədbirlər keçirilir.
Tədbirdə Naxçıvan Muxtar Respublikası Yazıçılar Birliyinin sədri Asim Əliyev “Anadilli şeirimizin böyük ustadı”, professor Hüseyn Həşimli “İmadəddin Nəsimi yaradıcılığının ideya-bədii xüsusiyyətləri” mövzularında çıxış ediblər.
Tədbirin bədii hissəsində Xalq artisti Həsən Ağasoy, aktyorlar Zakir Fətəliyev, Nurbəniz Niftəliyeva dahi şairin qəzəllərini bədii qiraət ediblər.
Sonra muzeyin ekspozisiyasına baxış olub.
Mədinə Rəhimli