“Buta” muğam ansamblı Kəngərli rayonunda konsert verib - FOTOLAR
NUHÇIXAN xəbər verir ki, Kəngərli Rayon Mədəniyyət Sarayında Naxçıvan Musiqi Kollecinin “Buta” muğam ansamblının Azərbaycan xalqının ümummilli lideri Heydər Əliyevin anadan olmasının 96 illiyinə həsr olunan konserti olub. Konsert Samir İsmayılovun ifasında görkəmli bəstəkarımız Ramiz Mirişlinin “Naxçıvan təranəsi” ilə başlayıb.
Sonra “Buta” muğam ansamblının solistləri Azər Əkbərov, İlkin Abdullayev, Nurlan Nuriyev, Xalid Həsənov, Kənan Cəfərov, Ağaxan Məmmədov, Əbülfəz Məmmədov muğam və təsniflər, xalq və bəstəkar mahnıları ifa ediblər. Ansamblın üzvlərinin ifasında bəstəkar mahnıları, xalq mahnıları, təsnif və muğamlar səsləndirilib.
Konsert Ağaxan Məmmədovun ifasında Rauf Məmmədovun “Yaşa mənim xalqım” mahnısı ilə başa çatıb.
Əli Rzayev