Naxçıvan şəhərində və Sədərəkdə maraqlı konsert olub - FOTOLAR
Naxçıvan Muxtar Respublikası Mədəniyyət Nazirliyinin mətbuat xidmətindən NUHÇIXAN-a verilən xəbərə görə Naxçıvan Şəhər Uşaq Musiqi və İncəsənət Məktəbi şagirdlərinin Naxçıvan Muxtar Respublikasının 95 illiyinə həsr olunmuş hesabat konserti olub. “Gənclik” Mərkəzində təşkil edilən konsertdə Naxçıvan Şəhər Uşaq Musiqi və İncəsənət Məktəbinin Xalq Çalğı Alətləri Ansamblının və şagirdlərin müxtəlif musiqi alətlərində ifaları səslənib.
Bundan başqa Naxçıvan Musiqi Kollecinin “Buta” muğam ansamblı da Sədərək Rayon Mədəniyyət Sarayında çıxış edib. Konsert proqramında ifa edilən Oqtay Kazımi, Rauf Hacıyev, Ramiz Mirişli, Emin Sabitoğlu, Əlibaba Məmmədov, Rauf Məmmədov və başqa bəstəkarların, o cümlədən xalq mahnısı tamaşaçılar tərəfindən alqışlarla qarşılanıb.