Muxtar respublikada şənbə konsertlərinə start verilib - FOTOLAR
Nazirliyin mətbuat xidmətindən NUHÇIXAN-a verilən məlumata görə, Naxçıvan Muxtar Respublikasının Mədəniyyət Nazirliyi hər həftənin şənbə günləri Naxçıvan şəhərin park və meydanlarında musiqi kollektivlərinin konsertlərini təşkil edir.
Yay günlərində əhalinin istirahətinin səmərəli təşkili, asudə vaxtın mənalı keçirilməsi məqsədilə ilk şənbə konserti Naxçıvan şəhərindəki “Görüş yeri” kafesi qarşısısında təşkil edilib.
Tədbirdə Naxçıvan Dövlət Filarmoniyasının Mahnı və Rəqs Ansamblı geniş konsert proqramı ilə çıxış edib. Konsertdə Azərbaycan xalq mahnıları və bəstəkarlarımızın populyar mahnıları səsləndirilib.
Konsert rəqs kollektivinin ifasında yallı ilə başa çatıb.
Əli Rzayev