Sədərəkdə “Nadan Xoruz” tamaşası nümayiş olunub
NUHÇIXAN xəbər verir ki, Naxçıvan Dövlət Uşaq Teatrı Həsənəli Eyvazlının “Nadan Xoruz” mənzum nağıl pyesi əsasında hazırladığı tamaşanı Sədərək Rayon Mədəniyyət Sarayında uşaqlara təqdim edib.
Tamaşada lovğalıq, nadanlıq, kələkbazlıq, özünə arxayın olub heç kəsə inanmamaq kimi mənfi xüsusiyyətlər tənqid edilir. Heyvan dili ilə alleqorik şəkildə bu xüsusiyyətlər açılıb göstərilir.
Tamaşada Mehri Nəbiyeva, Heyran Abdullayeva, balaca aktyorlardan Nurlan Qafarov , Həsrət Abdullayev , Fatimə Bələlova, Həqiqət Bağırova, Əminə Seyidova, Aynur Əsgərli, Afaq Məmmədli, Nuray Ələkbərzadə, Səkinə Məmmədova öz rollarını həvəslə oynayıblar.
Tamaşanın quruluşçu rejissorları Tofiq Seyidov və Nurbəniz Niftəliyevadır.
Əli Rzayev