İstanbul Boğazındakı körpü Azərbaycan bayrağının rənglərinə boyanıb
İstanbul boğazındakı "15 iyul şəhidləri" körpüsü mayın 27-də gecə saatlarından səhərədək Azərbaycanın üç rəngli bayrağının rənglərində işıqlandırılıb.
NUHÇIXAN xəbər verir ki, körpünün işıqlandılması mayın 28-də də davam edəcək. Bu barədə razılaşma Azərbaycanın İstanbuldakı baş konsulluğu ilə Türkiyənin nəqliyyat, kommunikasiya və dənizçilik nazirliyi arasında əldə olunub.
Qeyd edək ki, körpü ötən il də Azərbaycan bayrağının rənglərində işıqlandırılmışdı.