İsveçrədə Ekzüperinin “Balaca şahzadə” nağılına naməlum illüstrasiyaları tapılıb

151

İsveçrədə Antuan de Sent-Ekzüperinin “Balaca şahzadə” nağılına çəkilən, bu vaxtadək mütəxəssislərə məlum olmayan rəsmləri tapılıb. İllüstrasiyalara tarix qoyulmayıb, lakin mütəxəssislər hesab edirlər ki, bu, sonradan kilsə qaydaları ilə müəyyən edilmiş rəsmlərin ilkin variantıdır.

NUHÇIXAN “İnterfaks” agentliyinə istinadla xəbər verir ki, akvarel və sulu boya ilə çəkilmiş şəkillərin olduğu qovluq 2018-ci ildə vəfat edən biznesmen və kolleksiyaçı Brüno Stefaniniyə vaxtilə məxsus olan binanın anbarında tapılıb. Ehtimal var ki, rəsmlər təqribən 30 il əvvəl İsveçrədə hərracda alınıb.

Tapılan rəsmlər arasında “Fili udan ilan”a aid eskizlər və Balaca şahzadə və Tülkünün olduğu şəkil də var.

Stefanininin yaratdığı Fondun nümayəndələri Nyu-Yorkda nəşrə daxil olan rəsmlərin saxlanıldığı “Morgan Library”yə tapıntı barədə məlumat vermək niyyətindədirlər.

Ekzüperinin 1942-ci il tarixli məktubuna əlavə edilən rəsmi 2018-ci ildə hərracda 289 min dollara satılıb. Şəkildə masa arxasında əyləşən Balaca şahzadə təsvir olunub. Həmin vaxt nağılın özü hələ nəşr edilməmişdi.

“Balaca şahzadə” nağıl-povesti müəllifin rəsmləri ilə (bunlar sadəcə illüstrasiyalar deyil, həm də rəvayətin bir hissəsidir) 1943-cü ildə Nyu-Yorkda, eyni zamanda, orijinalda (fransız dilində) və ingilis dilinə tərcümədə buraxılıb. Kitab 300-dən artıq dildə nəşr olunub. Bu, yazıçının başa çatmış sonuncu əsəridir. Hərbi təyyarəçi kimi xidmət edən Ekzüperi 1944-cü ildə kəşfiyyat uçuşuna yollanıb və geri dönməyib. Onun ölüm səbəbləri indiyədək müəyyən olunmayıb, meyiti aşkar edilməyib.

Digər xəbərlər

Xəbərin mətnində orfoqrafik səhv var

Seçilən mətn düzəliş üçün göndəriləcək: