“Hüseyn xan Naxçıvanski. Qayıdış” sənədli filmi nümayiş olunub

NUHÇIXAN xəbər verir ki, Şahbuz Rayon İcra Hakimiyyətinin təşkilatçılığı ilə Rayon Mədəniyyət Sarayında “Hüseyn xan Naxçıvanski. Qayıdış” sənədli filmi nümayiş olunub.

Filmin çəkilişləri Naxçıvanda, Bakıda və Sankt-Peterburqda aparılıb. Ekran əsəri üç ilə ərsəyə gəlib. Filmdə Rusiya arxivlərindəki materiallardan geniş istifadə olunub. Film Mədəniyyət Nazirliyinin sifarişi ilə çəkilib. Filmin ssenari müəllifi və rejissoru “Lennauçfilm” studiyasının əməkdaşı Valentina Qurkalenkodur.

 Qeyd edək ki, Rusiya-Yaponiya və Birinci Dünya müharibələrinin iştirakçısı Hüseyn xan Naxçıvanski rus imperiyasının süvari qoşunlarının komandiri olub. Ömrünün sonunadək hərbi andına sadiq qalan Hüseyn xan Naxçıvanski ən yüksək orden və medallarla təltif edilib. Azərbaycan və çar Rusiyası hərb tarixinin ən görkəmli simalarından olan Hüseyn xan Naxçıvanskinin şərəfli adı bu günədək əsil qeyrət, hünər və sədaqət rəmzi kimi yaşayır.

                               Novruz Məmmədov