Azərbaycan enoqastronomik səyahətlər üzrə MBD-də ilk üçlüyə daxil edilib

Rusiyanın “TurStat” turizm portalı bu payız mövsümündə MDB məkanında keçirilən ən maraqlı enoqastronomik və şərab festivallarını təqdim edib.

NUHÇIXAN xəbər verir ki, MDB ölkələrində və yaxın xaricdə ən yaxşı payız enoqastronomik turlara Azərbaycan, Gürcüstan və Moldova başçılıq edirlər. “TurStat” turizm portalının məlumatına görə, MDB ölkələrinin vətəndaşları və yaxın xaricdən olan turistlər arasında ən populyar enoqastronomik tədbirlər Azərbaycandakı nar festivalı, Gürcüstanın Kaxetiya rayonunda keçirilən “Telavino” şərab festivalı və Moldovada təşkil edilən Milli şərab günüdür.

Reytinq bu tədbirlərin turistlər arasında populyarlığı və unikallığı göstəricilərinə əsasən hazırlanıb.