Cəfər Cabbarlı anılıb - FOTOLAR
NUHÇIXAN xəbər verir ki, Ədəbiyyat Muzeyində Azərbaycan ədəbiyyatının görkəmli nümayəndəsi, böyük şair, yazıçı və dramaturq Cəfər Cabbarlının anadan olmasının 120 illiyi münasibətilə tədbir keçirilib.
Tədbirdə bildirilib ki, yazıçı və dramaturq Cəfər Cabbarlının yenilik və müasirlik uğrunda mübarizəni yaradıcılığının əsas qayəsinə çevirib, dramaturgiyamızın təşəkkülü və yüksəlişi tarixində yeni mərhələnin təməlini qoyub, Azərbaycan milli kinosunun yaranması və inkişafında müstəsna rol oynayıb. Qeyd olunub ki, Azərbaycan Respublikasının Prezidenti İlham Əliyevin “Cəfər Cabbarlının 120 illiyinin qeyd edilməsi haqqında” Sərəncamı ədibin yaradıcılığına yenidən nəzər salmağa və yeni baxış bucağı altında araşdırmağa yol açacaq.
Tədbirdə Naxçıvan Dövlət Universitetinin tələbələri şair, yazıçı və dramaturq Cəfər Cabbarlının şeirlərindən parçaları bədii qiraət ediblər.