Xalq yazıçısı Elçinin “Baş” romanı çap olunub
Mədəniyyət Nazirliyinin dəstəyi ilə Xalq yazıçısı Elçinin “Baş” romanı işıq üzü görüb.
Nazirlikdən NUHÇIXAN-a bildirilib ki, görkəmli yazıçı, dramaturq Elçinin “Baş” romanındakı hadisələr XVIII əsrin ilk onilliyində, Azərbaycanda və ümumiyyətlə, Cənubi Qafqaz tarixinin ən gərgin və mürəkkəb dövründə cərəyan edir. Əsər tarixi roman olmaqla yanaşı, həm psixoloji, həmdə bəzi məqamlarda ustalıqla mistik çalarlardan istifadə edilmiş əsərdir.
İlk dəfə 2015-ci ildə çap olunan bu roman artıq bir çox dillərə tərcümə olunub və böyük populyarlıq qazanıb.
“Təhsil” nəşriyyatında yüksək poliqrafik keyfiyyətlə çap edilən kitab Mədəniyyət Nazirliyinin tabeliyində olan kütləvi kitabxanalara paylanılacaq.
Qeyd edək ki, Elçinin “Baş” romanı bundan əvvəl Naxçıvandakı “Əcəmi” Nəşriyyat-Poliqrafiya Birliyində çap olunub. Bu roman Naxçıvan Muxtar Respublikası Ali Məclis Sədrinin Sərəncamı ilə "Oxunması zəruri olan kitablar"ın siyahısına daxil edilib.