Türkiyənin Antalya şəhərini bu il rekord sayda turist ziyarət edib

Dünyanın ən çox turist qəbul edən bölgələrindən olan Türkiyənin Antalya şəhərinə bu ilin 11 ayı ərzində 15 milyondan çox xarici ölkə vətəndaşı gəlib.

NUHÇIXAN xəbər verir ki, bu barədə Antalya Mədəniyyət və Turizm Müdirliyindən məlumat verilib.

Məlumata əsasən, bu göstərici şəhərə gələn turist sayına görə rekord rəqəmdir. Belə ki, ötən ilin eyni dövrü ərzində şəhəri təxminən 14 milyondan çox xarici vətəndaş ziyarət edib.

Dünyanın 193 ölkəsindən Antalyaya gələn turistlərin əksəriyyəti Rusiya vətəndaşıdır. Ötən illə müqayisədə şəhərə gələn rus turistlərin sayı 16 faiz artıb.