Mirzə Cəlilin 150 illiyinə qiymətli töhfə

NUHÇIXAN xəbər verir ki, Əməkdar jurnalist Hüseyn Əsgərovun “Mirzə Cəlilin satira desantları Naxçıvanda” adlı kitabı işıq üzü görüb. Kitab Azərbaycan ədəbiyyatının görkəmli nümayəndəsi, böyük dramaturq və ictimai xadim Cəlil Məmmədquluzadənin 150 illik yubileyinə həsr olunur.

Müəllifin mollanəsrədinçilərin dil, üslub xüsusiyyətlərinə sadiq qalaraq qələmə aldığı kitabda Mirzə Cəlilin hekayə və felyetonlarında, o cümlədən “Molla Nəsrəddin” jurnalında əks olunan Naxçıvanın 100 il əvvəlki mənzərələri, mənfur qonşularımız ermənilərin Naxçıvanda törətdikləri qırğınlar, insanların güzəranı, səhiyyənin vəziyyəti, məişəti, tarixi, mədəniyyəti, incəsənəti yer alır. Həmçinin kitabda “Molla Nəsrəddin” jurnalındakı karikaturalar da verilib.

Geniş oxucu auditoriyası üçün nəzərdə tutulan kitab “Əcəmi”Nəşriyyat-Poliqrafiya Birliyi tərəfindən nəfis şəkildə tərtib olunub.