Rusiyalı turistlər üçün ən ekzotik istiqamətlərdə Naxçıvan da var
NUHÇIXAN www.bfm.ru saytına istinadən xəbər verir ki, Rusiyanın tutu.ru saytı ölkəsinin vətəndaşları üçün ən ekzotik aviareyslər haqqında məlumat verib. Sidney, Buones-Ayres, Klimancoro, Lima ilə yanaşı Azərbaycandan Naxçıvan da bu siyahıya düşüb.
Turizm xidmətlərinin ekspertləri may ayının 1-dən 28-nə qədər bütün istiqamətlərə aviabiletlərin qeydiyyatını araşdırarkən bu qərara gəliblər. Moskvadan Kanadanın Kampuls, Tanzaniyanın Kilimancoro, Perunun Lima, Braziliyanın Beli-Orizonti, ABŞ-ın Boston, Argentinanın Buenos-Ayres şəhərləri nadir hallarda uçuş həyata keçirilən yerlər kimi dəyərləndirlib.
Rusiyadan yaxın olan ölkələrə ekzotik reytinqli uçuşların siyahısına isə Moskva- Dnepr (Ukrayna) və Peterburq- Naxçıvan(Azərbaycan) daxil edilib. Bu istiqamətlərə ikitərəfli uçuş biletlərinə rusiyalı sərnişinlər 23,5 və 27,7 min rubl ödəyiblər.