Şahbuz rayonunda Gənclər Günü qeyd olunub - FOTOLAR

2 Fevral-Gənclər Günü münasibətilə Şahbuz Rayon Mədəniyyət Sarayında  tədbir keçirilib. NUHÇIXAN xəbər verir ki, Şahbuz Rayon İcra Hakimiyyətinin, Gənclər və İdman İdarəsinin, YAP Şahbuz Rayon Təşkilatı Gənclər Birliyinin və Mədəniyyət Şöbəsinin təşkilatçılığı ilə keçirilən tədbirdə gənclərlə yanaşı, ictimaiyyət nümayəndələri, idarə, təşkilat və müəssisə kollektivlərinin üzvləri də iştirak ediblər.

Tədbirdə bildirilib ki, vətənimizin gələcəyi  gənclərimizin əlindədir. Gənclərə qayğı gələcəyə qayğıdır. Muxtar Respublikamızda, eləcə də rayonumuzda gənclər dövlət qayğısı ilə əhatə olunub.

Ümummilli liderimiz Heydər Əliyev 1997-ci ildə fevralın 2-ni Azərbaycanda “Gənclər Günü” kimi qeyd olunması haqqında Sərəncam imzalayıb. Həmin tarix respublikamızda “Gənclər Günü” kimi təntənəli şəkildə qeyd olunur.

Tədbirdə “Könüllülər ili” münasibətilə “Şahbuz könüllüləri” adı ilə bir araya toplaşan 14 gəncə vəsiqələr təqdim olunub.

Sonda rayon Uşaq Musiqi Məktəbi və Kolanı kənd Uşaq Musiqi Məktəbinin ansamblı  musiqi nömrələri təqdim edib.