“Naxçıvan: Dünən və bu gün” adlı rəsm müsabiqəsi keçirilib - FOTOLAR

NUHÇIXAN xəbər verir ki, Heydər Əliyev Uşaq, Gənclər yaradıcılıq mərkəzində “Naxçıvan: Dünən və bu gün” mövzulu rəsm müsabiqəsi keçirilib.

2 saat davam edən müsabiqədə dərnək üzvlərilə yanaşı, ümumtəhsil məktəblərinin şagirdləri də iştirak edib. Çəkilən rəsmlər münsiflər heyəti tərəfindən qiymətləndirilib.

I yerə Naxçıvan Qarnizonu tam orta məktəbi, II yerə Naxçıvan şəhər 14 və 5 nömrəli, III yerə isə 4, 12 və Heydər Əliyev adına tam orta məktəbin şagirdləri layiq görülüb.

Qeyd edək ki, müsabiqə uşaq və yeniyetmələrdə vətənpərvərlik, dövlətçilik ənənələrinə sadiqlik hislərinin aşılanması, məktəblilər arasında bədii düşüncə tərzini, zövq və yaradıcılıq duyğularının formalaşdırılması, habelə böyüməkdə olan nəslin rəssamlıq sənətinə marağının stimullaşdırılması məqsədilə təşkil olunub.

                                                                                    Xanım Rüstəmzadə