İçərişəhərin UNESCO-nun Ümumdünya İrs Siyahısına daxil edilməsinin 20 illiyi ilə əlaqədar çoxsaylı tədbirlər keçiriləcək

İçərişəhərin UNESCO-nun Ümumdünya İrs Siyahısına daxil edilməsinin 20 illiyi ilə əlaqədar müvafiq tədbirlərin təşkili nəzərdə tutulur. İçərişəhər Dövlət Tarix-Memarlıq Qoruğu İdarəsi ilə danışıqlar aparılıb, böyük beynəlxalq konfrans və silsilə tədbirlər keçiriləcək.

NUHÇIXAN xəbər verir ki, bu sözləri Mədəniyyət naziri Əbülfəs Qarayev fevralın 28-də jurnalistlərə müsahibəsində deyib.

Nazir söyləyib ki, bu tədbirlər çərçivəsində muzeylərdə saxlanılan əşyaların bir qismi sərgilərdə nümayiş olunacaq. Eyni zamanda, bir sıra mədəni proqramlar təqdim ediləcək: “Turistlər üçün ayrıca xüsusi marşrutlar formalaşdırılacaq. Əsas olan bu tədbirlərin beynəlxalq əks-səda doğurmasıdır. Çünki bu gün İçərişəhərdə görülən işlər təqdirəlayiqdir”.