Bakıda beynəlxalq rəqs müsabiqəsi keçiriləcək
Bakı Xoreoqrafiya Akademiyasının təşkilatçılığı ilə Qəmər Almaszadə adına II Beynəlxalq Rəqs Müsabiqəsi keçiriləcək.
Akademiyadan NUHÇIXAN-a bildirilib ki, 10 ölkənin təmsil olunacağı müsabiqənin təntənəli açılış mərasimi iyunun 25-də Heydər Əliyev Sarayında reallaşacaq. Müsabiqənin birinci və ikinci turu Azərbaycan Dövlət Akademik Opera və Balet Teatrında keçiriləcək.
Müsabiqəyə iyunun 27-də sözügedən məkanda gerçəkləşəcək qala-konsert ilə yekun vurulacaq.