“İllik turizm statistikası 2019” jurnalı işıq üzü görüb

Azərbaycan Dövlət Turizm Agentliyinin “İllik turizm statistikası 2019” jurnalı işıq üzü görüb.

NUHÇIXAN İnformasiya Agentliyi xəbər verir ki, jurnal Azərbaycanın turizm sahəsindəki nailiyyətlərini və görülən tədbirləri cəmiyyətə çatdırmaq məqsədilə nəşr olunub.

Hesabat xarakterli nəşr Dövlət Turizm Agentliyinin Turizm Siyasəti və Strategiyası şöbəsinin tədqiqat və statistika sektoru tərəfindən hazırlanıb. Hesabatın məqsədi Azərbaycanda turizmin inkişafı, turizm axını, turist xərcləmələri, hotel sektoru, turizmin iqtisadi təsiri və ziyarətçilərin fikirləri ilə bağlı əsas məqamları təmin etməkdir.

Nəşrdə, ölkə rəhbərliyi tərəfindən turizmin inkişafına göstərilən xüsusi diqqət və qayğı sayəsində sahə üzrə bir çox uğurlu addımların atıldığı, Azərbaycanın turizm potensialının, tarixinin və mədəni irsinin dünyada tanıdılması istiqamətində tədbirlərin görüldüyü, 2019-cu ildə ölkəmizə gələn turistlərin sayında ötən illərlə müqayisədə nəzərəçarpacaq artım müşahidə olunduğu aydın şəkildə özünü göstərir.