Qafqaz İslam Ordusunun komandanı Nuru Paşanın həyatından bəhs edən animasiya filmi hazırlanıb

Türkiyədə Qafqaz İslam Ordusunun komandanı Nuru Paşanın həyatından bəhs edən animasiya filmi hazırlanıb.

NUHÇIXAN İnformasiya Agentliyi xəbər verir ki, ekran əsərində Nuru Paşanın həyat hekayəsi, İstanbulda qurduğu silah fabriki, ölkə iqtisadiyyatına verdiyi töhfələr və rəhbərlik etdiyi Qafqaz İslam Ordusunun Bakının erməni-bolşevik işğalından azad edilməsindəki rolundan bəhs edilir.

Qeyd edək ki, Türkiyənin Müdafiə Sənayesi Nazirliyi tərəfindən tarixi şəxsiyyətləri gələcək nəsillərə daha yaxından tanıtmaq məqsədilə reallaşan layihə çərçivəsində ilk film Nuru Paşaya həsr olunub.