Özbəkistan portalı işğaldan azad edilmiş ərazilərimizdə tarix və mədəniyyət abidələrinin dağıdılmasından yazıb

309

Özbəkistanın “fikr.uz“ portalında Azərbaycanın işğaldan azad edilmiş ərazilərində tarix və mədəniyyət abidələrinin dağıdılması barədə məqalə dərc olunub.

NUHÇIXAN İnformasiya Agentliyi xəbər verir ki, məqalədə işğal dövründə ermənilər tərəfindən dağıdılmış 700-dən çox tarix və mədəniyyət abidəsinin 11-nin dünya əhəmiyyətli abidələr sırasında olduğu qeyd edilir.

Bildirilir ki, bu barədə Azərbaycan Milli Elmlər Akademiyasının Memarlıq və İncəsənət İnstitutunun direktoru Ərtəgin Salamzadə məlumat verib. Ərtəgin Salamzadə qeyd edib ki, bütün abidələrin indiki vəziyyətini öyrənmək üçün monitorinq aparılmalı, bu məkanlarda bərpa və restavrasiya işləri həyata keçirilməlidir.

Ə.Salamzadə, həmçinin bildirib ki, işğaldan azad edilmiş ərazilərimizdəki tarix və mədəniyyət abidələrinin dağılma səviyyəsi memarlar və sənətşünaslar tərəfindən öyrənildikdən sonra hesabat hazırlanmalı və buna uyğun olaraq işlər həyata keçirilməlidir.

Digər xəbərlər

Xəbərin mətnində orfoqrafik səhv var

Seçilən mətn düzəliş üçün göndəriləcək: