"Xarı bülbül" festivalından arxiv görüntülər - çıxış edir Naxçıvan muğam ifaçıları - VİDEO

Azərbaycan Prezidenti İlham Əliyevin Şuşa şəhərini ölkənin mədəniyyət paytaxtı elan etməsi, Vaqif poeziya günləri və "Xarı bülbül" festivalını bərpa etməsi ölkənin mədəni həyatında əlamətdar hadisələrdir.

NUHÇIXAN İnformasiya Agentliyi oxuculara “Xarı bülbül” festivalının konsert proqramından arxiv videogörüntüləri təqdim edir. Çıxışlar arasında  Naxçıvan muğam məktəbinin nümayəndələrindən Azərbaycan Respublikasının Əməkdar artisti Qurban Qasımovun və Naxçıvan Muxtar Respublikasının Əməkdar artisti Hünər Əliyevin də ifaları yer alıb .

Qeyd edək ki, "Xarı bülbül" beynəlxalq festivalı məşhur xanəndə Seyid Şuşinskinin 100 illik yubileyi ilə əlaqədar 1989-cu ildən keçirilməyə başlayıb. Festival hər il may ayında Yaponiya, ABŞ, Türkiyə, Almaniya, İsrail, İtaliya, İspaniya, Avstriya, Əfqanıstan, SSRİ ölkələrinin iştirakı ilə keçirilib və təkcə Azərbaycanda deyil, bütün dünyada ən vacib mədəniyyət tədbirlərindən biri hesab olunurdu.