“Mamoy kişinin yuxuları” tamaşası onlayn nümayiş olunub - FOTOLAR

NUHÇIXAN İnformasiya Agentliyi xəbər verir ki, Naxçıvan Dövlət Musiqili Dram Teatrında  onlayn nümayiş olunan tamaşa şair, dramaturq Vaqif Səmədoğlunun “Mamoy kişinin yuxuları” əsəri əsasında hazırlanıb. Əsas rollarda əməkdar artistlər Bəhruz Haqverdiyev, Nazlı Hüseynquliyeva, Əbülfəz İmanov və  Nəsimi Məmmədzadə yer alıb.

Abstrakt komediya janrında hazırlanmış tamaşanın rejissoru Nəsimi Məmmədzadə, quruluşçu rəssamı Səyyad Bayramov, musiqi tərtibatçısı Ahim Güləliyevdir.

Qeyd edək ki, onlayn tamaşa Naxçıvan Dövlət Televiziyasında və onun internet resurslarında, eləcə də Naxçıvan Muxtar Respublikası Mədəniyyət Nazirliyinin sosial şəbəkə hesablarında  canlı yayımlanıb.

                                                                                         Adilə Səfərova