"Avroviziya" müsabiqəsinə maksimum 3,5 min tamaşaçı buraxılacaq

Bu il Niderlandda keçiriləcək "Avroviziya" mahnı müsabiqəsinə maksimum 3,5 min tamaşaçı buraxılacaq.

NUHÇIXAN İnformasiya Agentliyi "TASS"a istinadən xəbər verir ki, bu barədə təşkilatçıların saytında yerləşdirilən bəyanatda deyilir.

Bəyanatda bildirilir: "Rotterdamdakı "Ahoy" konsert zalına maksimum 3,5 min tamaşaçı buraxılacaq, bu isə konsert zalının tutumunun 20 faizidir. Biletlər yalnız 2020-ci ildə şouya uğurla bilet əldə edənlər üçün olacaq. Geniş kütləyə bilet satışı olmayacaq".

Qeyd edilir ki, söhbət tamaşaçıların final, iki yarımfinal və altı repetisiyaya buraxılmasından gedir.