Babək Rayon Xalq Teatrı tərəfindən “Nizami aləminə səyahət” tamaşa-kompozisiyası göstərilib - FOTOLAR
NUHÇIXAN İnformasiya Agentliyi xəbər verir ki, bu münasibətlə baş tutan tədbirdə qeyd olunub ki, dövlət başçısı qüdrətli söz və fikir ustadının insanları daim əxlaqi kamilliyə çağıran və yüksək mənəvi keyfiyyətlər aşılayan zəngin yaradıcılığının müstəsna əhəmiyyətini nəzərə alaraq bu ili ölkəmizdə “Nizami Gəncəvi İli” elan edib. Qeyd olunub ki, əsərləri dünyanın müxtəlif xalqlarının dilinə tərcümə olunmuş dahi şairin “Sirlər xəzinəsi” poeması və “Nizaminin hikmət və nəsihətləri” Ali Məclis Sədrinin müvafiq Sərəncamı ilə Oxunması zəruri olan kitablar siyahısına salınıb.
Sonra Babək Rayon Xalq Teatrı tərəfindən “Nizami aləminə səyahət” tamaşa-kompozisiyası göstərilib. Tamaşa kompozisiyada Nizami Gəncəvinin “Xəmsə”sinə daxil olan poemalarından epizodlar nümayiş etdirilib, şairin qəzəlləri səsləndirilib. Həmçinin qəzəllərə bəstələnən romanslar dinlənilib, muğam ifa olunub.
Hafizə Əliyeva