Əcnəbi tələbələrin “Qarabağ Azərbaycandır” adlı konserti keçirildi - FOTOLAR

NUHÇIXAN İnformasiya Agentliyi xəbər verir ki, Naxçıvan Dövlət Universitetində 28 May-Respublika Günü ilə əlaqədar olaraq “Qarabağ Azərbaycandır” adlı konsert təşkil edilib. Konsert xarici tələbələrlə iş üzrə dekanlığın hazırlıq kursu tələbələrinin iştirakı ilə keçirilib. Türkiyəli tələbələr türk xalq mahnıları ilə yanaşı, Azərbaycan xalq mahnıları da ifa ediblər. Nigeriyalı tələbə Joseph Okpamenin Azərbaycan xalq mahnısı “Sarı gəlin”i ifa etməsi tamaşaçılara xoş ovqat bəxş edib. Tələbələr konsertin sonunda “Qarabağ Azərbaycandır” şüarı ilə mahnı ifa ediblər.

Universitetin rektoru Elbrus İsayev əcnəbi tələbələrin gözəl təşəbbüsünü təqdir edib. Bildirilib ki, muxtar respublikada təhsil alan tələbələr yüksək dövlət qayğısı ilə əhatə olunmaqla bərabər, həmçinin universitetin ictimai-mədəni işlərində də fəallıq nümayiş etdirirlər.

Sonda hər bir tələbəyə universitetin sertifikatı təqdim olunub.

Səadət Əliyeva