Aşıq Ələsgərin 200 illik yubileyinə həsr olunan yaradıcılıq müsabiqəsinə yekun vuruldu - FOTOLAR
NUHÇIXAN İnformasiya Agentliyi xəbər verir ki, Naxçıvan şəhərindəki Gənclik Mərkəzində Mədəniyyət Nazirliyinin, Aşıqlar və Yazıçılar Birliklərinin birgə təşkilatçılığı ilə təşkil olunan və Aşıq Ələsgərin 200 illik yubileyinə həsr olunan yaradıcılıq müsabiqəsinə yekun vurulub.
Bu münasibətlə keçirilən tədbirdə Mədəniyyət naziri Natəvan Qədimova bildirib ki, Azərbaycan Respublikasının Prezidenti cənab İlham Əliyev bu il fevralın 18-də “Aşıq Ələsgərin 200 illik yubileyinin qeyd edilməsi haqqında” Sərəncam imzalayıb. Sərəncamın muxtar respublikada icrasının təmin edilməsi məqsədilə Naxçıvan Muxtar Respublikası Ali Məclisi Sədrinin 2021-ci il 22 fevral tarixli Sərəncamı ilə “Aşıq Ələsgərin 200 illik yubileyinə həsr olunmuş “Tədbirlər Planı” təsdiq edilib. Aşıq Ələsgərin 200 illik yubileyinə həsr olunan yaradıcılıq müsabiqəsi də “Tədbirlər planı”na uyğun olaraq həyata keçirilir.
Natəvan Qədimova qeyd edib ki, müsabiqə iki yaş qrupu üzrə keçirilib. Aşıq havaları sonunda Aşıq Ələsgərin şeirlərinin səsləndirildiyi müsabiqədə iştirakçıların ifaları münsiflər heyəti tərəfindən qiymətləndirilib. Hər iki yaş qrupu üzrə qaliblər müəyyən edilib.
Müsabiqədə qalib gələn və fərqlənən iştirakçılar mükafatlandırılıb, bədii hissədə müsabiqə qaliblərinin ifasında musiqi nömrələri təqdim edilib.
Röyal Kərimov