Naxçıvanda istedadlı gənc musiqiçilər mükafatlandırılıb - FOTOLAR

NUHÇIXAN İnformasiya Agentliyi xəbər verir ki, bu ilin aprel-iyun ayları ərzində  uşaq və gənclər arasında muxtar respublika üzrə keçirilən müxtəlif incəsənət müsabiqələrinin qalibləri bəlli olub.

Əvvəlcə rəsm müsabiqəsində yer tutan şagirdlərin rəsm əsərlərindən ibarət sərgiyə baxış olub.

Naxçıvan Muxtar Respublikasının Mədəniyyət naziri  Natəvan Qədimova bildirib ki bu ilin aprel-iyun aylarında keçirilən rəsm, rəqs, ifaçılıq və solo oxuma müsabiqələri yeniyetmə və gənclərin incəsənətin müxtəlif sahələrinə cəlb edilməsi işinə, eləcə də milli mədəniyyətimizin təbliğinə öz töhfəsini verir.

Nazir müsabiqə iştirakçılarını təbrik edib, onlara gələcək fəaliyyətlərində uğurlar arzulayıb.

Sonra 4 müsabiqə, 14 nominasiya və 3 yaş qrupu üzrə, ümumilikdə, 157 iştirakçı və kollektiv təltif edilib.

Tədbirin bədii hissəsində müsabiqə qaliblərinin ifasında konsert proqramı təqdim olunub.

Mədinə Rəhimli