Naxçıvan Muxtar Respublikası Aşıqlar Birliyi üzvlərinin Aşıq Ələsgərə həsr olunan konserti olub - FOTOLAR

NUHÇIXAN İnformasiya Agentliyi xəbər verir ki, ustad sənətkarın 200 illik yubileyinə həsr olunan konsertdə Naxçıvan Aşıqlar Birliyinin üzvlərinin və “Naxçıvani” sazçalanlar qrupunun ifasında “Divani”, “İsfəndiyar gözəlləməsi”, “Ruhani”, “Koroğlu dübeytisi”, “Misri”, “Ovşarı”, “Baş müxəmməs” səsləndirilib. Konsert Sazçalanlar qrupunun ifasındakı “Cəngi Koroğlu” ilə yekunlaşıb.

Qeyd edək ki, bu il Azərbaycan aşıq sənətinin görkəmli nümayəndəsi, böyük saz və söz ustadı Aşıq Ələsgərin anadan olmasından 200 il ötür.  Prezident İlham Əliyev fevralın 18-də “Aşıq Ələsgərin 200 illik yubileyinin qeyd edilməsi haqqında” imzaladığı Sərəncamın muxtar respublikada icrasının təmin edilməsi məqsədilə Naxçıvan Muxtar Respublikası Ali Məclisi Sədrinin 2021-ci il 22 fevral tarixli Sərəncamı ilə “Aşıq Ələsgərin 200 illik yubileyinə həsr olunmuş Tədbirlər Planı” təsdiq edilib.                                                               

                                                                      Mədinə Rəhimli