Naxçıvanda 138-ci teatr mövsümü başa çatıb - FOTOLAR
NUHÇIXAN İnformasiya Agentliyi xəbər verir ki, Naxçıvan Dövlət Musiqili Dram Teatrında 138-ci teatr mövsümü başa çatıb. Kollektiv Nikolay Vasilyeviç Qoqolun “Müfəttiş” komediyası ilə mövsümü bağlayıb.
Böyük rus ədibi, dramaturqu Nikolay Vasilyeviç Qoqolun “Müfəttiş” satirik komediyasında tamaşaçılar çar Rusiyasının kiçik bir əyalət şəhərində həyat tərzi, yuxarı dairələrin komedik durumu ilə tanış olurlar.
Tamaşanın quruluşçu rejissoru Xalq artisti Kamran Quliyev, quruluşçu rəssamı Əməkdar artist Səyyad Bayramovdur. Rollarda Xalq artistləri Rza Xudiyev, Rövşən Hüseynov, Əməkdar artistlər Əli Əliyev, Bəhruz Haqverdiyev, Əbülfəz İmanov, Səməd Canbaxşıyev və gənc aktyorlar iştirak ediblər.
Hafizə Əliyeva