Naxçıvan rəssamları Beynəlxalq rəsm festivalında iştirak ediblər - FOTOLAR

NUHÇIXAN İnformasiya Agentliyi xəbər verir ki, Türkiyədə Çatalzeytun Bələdiyyəsinin təşkilatçılığı ilə avqustun 7-dən 14-dək Beynəlxalq Rəsm festivalı keçirilib. Festivala dünyanın 6 ölkəsindən: Azərbaycan, Bolqarstan, İraq, İran, Almaniya və Türkiyədən ümumilikdə 15 rəssam qatılıb.

Festivalda ölkəmizi Rəssamlar Birliyinin üzvləri, gənc rəssamlar Murad Babayev və Həbib Allahverdiyev təmsil ediblər. Festivalın ilk günü iştirakçılar Çatalzeytunun təbiəti, tarixi yerləri ilə tanış olublar. Sonra rəssamlar Çatalzeytun şəhərindən aldıqları təəssüratları kətan üzərində əbədiləşdirməyə çalışıblar. Gənc rəssamlar Murad Babayev və Həbib Allahverdiyev mənzərə janrında maraqlı kətan üzərində yağlı boya ilə rəsm əsərləri yaradıblar.